Semiotika dhe Filozofia e Gjuhës përshkruan të gjithë traditën e doktrinës së shenjave, duke futur rrugën e saj përmes leximeve simbolike dhe alegorike të Shkrimeve të Shenjta, njohurive të ndryshme të fushës së filozofisë dhe retorikës, dhe brenda (dhe jashtë) pozicioneve të ndryshme të kritikës letrare moderne.
FORUMI I LIBRIT
Eagleman mbulon dekada të kërkimeve më të rëndësishme në funksionimin e trurit dhe gjithashtu paraqet zbulime të reja nga kërkimet e tij: në lidhje me sinestezinë, ëndërrimin dhe pajisjet e veshshme që po revolucionarizojnë mënyrën se si ne mendojmë për pesë shqisat njerëzore. Livewired është aq thellësisht informues sa është i arritshëm.
Garry Kasparov bën një argument befasues për të reflektuar mbi kohët tona në ndryshim. Ai na drejton nëpër llojet e pyetjeve që duhet të bëjmë për teknologjinë dhe atë që mund të presim nga kjo botë në zhvillim të shpejtë. Ashtë një punë që ai është i kualifikuar për ta bërë. Si një nga shahistët më të mëdhenj të historisë, ai u përball me një ekip shkencëtarësh kompjuteri dhe teknologjisë së tyre të përparimit.
Në këtë koleksion madhështor dhe shpesh befasues të eseve Barthes eksploron mitet e kulturës masive. Duke marrë tema të ndryshme si mundja, filmat, plastika dhe makinat, Barthes zbërthen në mënyrë elegante simbolet dhe shenjat e ngulitura thellë në aspektet e njohura të jetës moderne, duke demaskuar ideologjitë dhe kuptimet e fshehura të cilat ndikojnë në mënyrë të nënkuptuar në mendimin dhe sjelljen tonë.
Në këtë udhëzues brilant, gazetari i WIRED, Matt Burgess, shpjegon gjithçka që duhet të dini rreth Inteligjencës artificiale. Ai përshkruan se si funksionon AI (Inteligjenca artificiale). Burgess poashtu shikon mënyrat në të cilat tashmë AI na ka sjellë gjithçka, nga softueri i njohjes së zërit deri tek makinat vetë-drejtuese, dhe eksploron potencialin e inteligjencës artificiale për ndryshime të mëtejshme revolucionare në pothuajse çdo fushë të jetës sonë të përditshme.
Alban Fejza - “BRUM” është libër i shkruar në gërshetim të gjuhës letrare dhe zhargon. Përmban në vete dizajnin minimal dhe tregime të shkurta të shoqëruara me ilustrime. Libri është i ndarë në gjashtë kapituj, ku secili prej tyre ka formën e tij gjeometrike, tematikën dhe ngjyrën karakterizuese. Protagonisti i librit është vet autori dhe brumi nga i cili është gatuar në periudhë tetë vjeçare. “BRUM” është promovuar në Prishtinë, Tiranë dhe Prizeren.
Galeritë aktuale
Bazament është një hapësirë kushtuar artit bashkëkohor. Fokusi kryesor i saj është krijimi i një skene të pavarur dhe të qëndrueshme të artit bashkëkohor, duke ofruar një hapësirë të re ekspozuese ku mund të shfaqen diskurse dhe narrativa të artit bashkëkohor shqiptar, në raport të ngushtë me skenën e artit bashkëkohor ndërkombëtar.
TULLA është një qendër kulturore e dedikuar aktiviteteve edukative: menaxhimit të artit, kritikave sociale dhe artistike, kuratorisë, seminareve, tryezave të rrumbullakëta dhe ngjarjeve të tjera kulturore në të gjitha fushat e artit.
ZETA, është Qendër për Artin Bashkëkohor, një hapësirë ekspozuese, jo fitimprurëse, e themeluar në vitin 2007, nga Valentina Koça. Me një sipërfaqe prej 150 metrash katrorë. ZETA funksionon si një vend i pavarur kulturor për qasjet multidisiplinare në artet pamore, duke përfshirë pikturën, skulpturën, fotografinë, videon, instalimin , tingujt dhe performancën.
LambdaLambda është galeria e parë ndërkombëtare për artin bashkëkohor në Prishtinë që u hap në fillim të vitit 2015. Qëllimi i saj është t'u ofrojë artistëve dhe auditorit një mjedis intim dhe joformal të favorshëm për eksperimente, diskutime dhe mësime, veçanërisht duke sjellë së bashku artistë ndërkombëtarë dhe vendor.
SHTATËMBËDHJETË (17) është organizatë joqeveritare e themeluar në Prishtinë, Kosovë në vitin 2018. SHTATËMBËDHJETË fillimisht nisi si duo bashkëpunuese me qëllim të krijimit të veprave artistike vizuale dhe intelektuale të cilat eksplorojnë perspektivat psikologjike dhe sociale nëpërmjet Video – Artit Eksperimental.
ARMATA është hapësirë publike në Prishtinë, Kosovë, që promovon kulturë alternative dhe dialog shoqëror.
Termokiss është qendër e drejtuar nga komuniteti në Prishtinë me mision këmbimin urban dhe civil, reflektimin dhe ndryshimin. Pas rivitalizimit të një objekti industrial të braktisur, qendra "Termokiss" është aktive me një shumëllojshmëri ngjarjesh, të cilat parimisht janë jo-fitimprurëse dhe edukative.
Galeria e Fakultetit të Arteve gjindet në kuadër të Fakultetit të Arteve të Universitetit Hasan Prishtina dehe ka një hapësirë të konsiderueshme ekspozuese. Në këtë galeri artdashësit kanë mundësinë të takojnë veprat e artistëve student të Fakultetit të Arteve.
Galeria Kombëtare e Kosovës është themeluar në vitin 1979, si një domosdoshmëri pasi themelimit të Akademisë së Arteve në vitin 1973. Që nga themelimi i galerisë, kanë dalë artistë të shumtë nga Fakulteti i Artit në Universitetin e Prishtinës. Ata kanë diplomuar në fusha të ndryshme të artit si në pikturë, skulpturë, dizajn grafik, grafikë dhe arte të aplikuara.
Featuring Artists
programi i manifesta 14
Në vitin 2022, Manifesta 14 Prishtina po mbahet në Prishtinë, Kosovë. Manifesta 14 Prishtina synon të mbështetë qytetarët e Kosovës në ambiciet e tyre për të rikthyer hapësirat publike dhe për të rimenduar të ardhmen e kryeqytetit të tyre si një metropol me mendje të hapur në Ballkan dhe në Evropë përmes zhvillimit të një institucioni të ri kulturor për Kosovën dhe rajonin e saj.
