Nga: Milot Gusia
Ndjekja e së vërtetës artistike është parësore në veprat e artistit Edi Hila. E vërteta, e kuptuar si prezantim i realitetit të botës ashtu si është, është shumë më i rëndësishëm për artistin sesa çfarëdo nocioni i të “bukurës”. Për artistin Hila, e vërteta nuk mund të mohohet apo shmanget, madje edhe kur nuk është ajo që dëshirojmë ta dëgjojmë. Madje edhe kur ajo nuk është e “bukur” për sytë e audiencës. Dhe pikërisht është kjo e vërtetë e shprehur vizualisht, pa ndikimin e censurës apo hiperbolizimit, që shërben si dokument i një të kaluare. Ajo nuk ka nevojë për dekorimin.
Ekspozitë: Grayson Perry
Nga: Milot Gusia
Nga ekspozita e Grayson Perry në Galerinë Kombëtare
Në Galerinë e Arteve në Prishtinë, artdashësit patën rastin të përjetojnë veprat e njërit nga artistët e kalibrit të lartë ndërkombëtar – Grayson Perry-it. Ekspozita është e titulluar “Kotësia” dhe është e prezantuar përmes një serie tapicerish të cilat dhe janë mediumi i preferuar i artistit. Perry përdor në mënyrë të shkëlqyeshme këtë medium, i cili është tradicionalisht i lidhur me artizanatin popullor, duke i sjellë në jetë idetë e tij avantgarde përmes mediumit vernakular. Por, kush është Grayson Perry?
Grayson Perry është njëri nga artistët më të njohur kontemporan në Britani, i njohur për veprat e tij të larmishme të punuara nga materiale të ndryshme, si: qeramika, skulptura nga çeliku, vizatime, grafika dhe tapiceria. Me një sy të mprehtë për detajet dhe me një fokusim ndaj kulturës së popullarizuar dhe vernakulares, Perry gjithmonë i jep veprave të tij një dozë humori dhe reflektimi në të kaluarën dhe të tashmen e shoqërisë. Në veprat e tij, Perry prek tematika të ndryshme përmes praktikave shumëdimensionale ku përfshihet historia e shijes dhe klasave shoqërore në Britani, ikonografisë religjioze dhe folklorit, dhe prezantimin e aspekteve gjinore dhe seksualitetit.
Në mediumin e qeramikës, enët e dekoruara në veçanti shpërfaqin një larmi imazhesh që shtrihen nga ato shumë personale deri tek ato politike, me subjekte që përfshijnë familjen, botën e artit, storiet e ndryshme biblike, familjen mbretërore Angleze, dhe imazhe nga lufta dhe fantazia seksuale.
Alter egoja feminine e Perry-it, Claire – e përshkruar nga artisti si “Shtylla e inspirimit tim kreativ” – shfaqet përmes praktikave të tij si një motiv vizual i kohëpaskohshëm. Si pjesëtar i gjeneratës së YBA-së (Young British Artists), ai ka skalitur një karrierë të veçantë që dallohet nga bashkëkohanikët e tij, duke një qasje më joshëse ndaj estetikës e cila mjegullon ndarjen në mes të artit avant gard dhe kulturës së popullarizuar.
Perry ka mbajtur ekspozitën e tij të parë personale në Angli në vitin 1984 dhe ka ekspozuar veprat e tij në skenën ndërkombëtare nga viti 1990. Ai ka fituar çmimin prestigjioz Turner Prize në vitin 2003.
Për autorin
Milot Gusia punon si profesor dhe redaktor, si dhe kritik në skenën e artit vendor dhe ndërkombëtar. Ai ka punuar në një numër programesh në fushën e artit dhe kulturës.
Ai ka përfunduar studimet master për Dizajn Grafik në Universitetin e Prishtinës, si dhe ka përfunduar studimet MBA në Universitetin e Staffordhire-it Britani e Madhe.
KOMENTO
Rishtaz
Nga: Milot Gusia
A po kthehet njeriu në një asamblazh kiboorganik? Mendjet tona po zgjerohen në pajisje të jashtme, telefon të mençur, pajisje të bartshme dhe sisteme AI. Ne gjithnjë e më shumë po interpretojmë botën përmes këtyre zgjatjeve protetike. Ekspozita "You know me so well" përdor forma të reja të shprehjes për të eksploruar identitete të reja fluide të simuluara të cilat përkundër natyrës së tyre virtuale, bëhen të dukshme dhe materializohen.
Nga: Milot Gusia
Artistja multidisiplinare Saranda Sadikaj i takon një brezi të ri krijuesish të cilët duke përdorur mediume të reja dhe origjinale të shprehjes po arrijnë me sukses të ngritin çështje të preokupimit në Kosovën e pasluftës, si ndikimin akoma të theksuar të traditës patriarkale dhe femicidit.
Duke ndërthurur poezinë slam me artin e performancës, kompozimit, koreografisë dhe aktrimit artistja Sadikaj gradualisht po zgjeron raportuarin e shprehjes krijuese.
Në Galerinë e Ministrisë së Kulturës, u hap ekspozita me titull "Nuk është diçka e njëanshme" nga artisti Adem Dërmaku, kuruar nga Eleni Laperi. Artisti Dërmaku u prezantua me 50 punime në teknika të ndryshme të artit të grafikës.