LambdaLambda është galeria e parë ndërkombëtare për artin bashkëkohor në Prishtinë që u hap në fillim të vitit 2015. Qëllimi i saj është t’u ofrojë artistëve dhe auditorit një mjedis intim dhe joformal të favorshëm për eksperimente, diskutime dhe mësime, veçanërisht duke sjellë së bashku artistë ndërkombëtarë dhe vendor.
Stacion – Qendra për Artin Bashkëkohor Prishtina është një institucion i artit bashkëkohor që punon në lidhjen e artit bashkëkohor, kërkimit arkitektonik, arsimit ndërdisiplinor dhe politikave publike.
Motrat është projekti i dytë i implementuar nga FRABAAC në bashkëpunim me Trembelat. Projekti ka për qëllim krijimin e një hapësire të re për artistët e rinj dhe për artet në përgjithësi. Hapësira do të fokusohet në organizimin e ekspozitave personale (kryesisht individuale) të artistëve të rinj.
SHTATËMBËDHJETË (17) është organizatë joqeveritare e themeluar në Prishtinë, Kosovë në vitin 2018. SHTATËMBËDHJETË fillimisht nisi si duo bashkëpunuese me qëllim të krijimit të veprave artistike vizuale dhe intelektuale të cilat eksplorojnë perspektivat psikologjike dhe sociale nëpërmjet Video – Artit Eksperimental.
Hapësirë alternative e dedikuar për performanca, ekspozita, konferenca, punëtori, projeksione dhe e hapur për eksperimentim.
ARMATA është hapësirë publike në Prishtinë, Kosovë, që promovon kulturë alternative dhe dialog shoqëror.
Termokiss është qendër e drejtuar nga komuniteti në Prishtinë me mision këmbimin urban dhe civil, reflektimin dhe ndryshimin.
Pas rivitalizimit të një objekti industrial të braktisur, qendra “Termokiss” është aktive me një shumëllojshmëri ngjarjesh, të cilat parimisht janë jo-fitimprurëse dhe edukative.
Galeria e Fakultetit të Arteve gjindet në kuadër të Fakultetit të Arteve të Universitetit Hasan Prishtina dehe ka një hapësirë të konsiderueshme ekspozuese.
Në këtë galeri artdashësit kanë mundësinë të takojnë veprat e artistëve student të Fakultetit të Arteve.
Galeria e Ministrisë së Kulturës (GMK) funksionon si një “zyre”e drejtpërdrejt e MKRS në kuadër të Departamentit të Kulturës. Për programin e saj është përgjegjës “Këshilli Vlerësues dhe Përzgjedhës” i përbërë nga tre anëtarë të jashtëm.
Galeria Kombëtare e Kosovës është themeluar në vitin 1979, si një domosdoshmëri pasi themelimit të Akademisë së Arteve në vitin 1973. Që nga themelimi i galerisë, kanë dalë artistë të shumtë nga Fakulteti i Artit në Universitetin e Prishtinës. Ata kanë diplomuar në fusha të ndryshme të artit si në pikturë, skulpturë, dizajn grafik, grafikë dhe arte të aplikuara.