Milot Gusia

Në vitin 2008 Trashëgimia Kulturore pa Kufij (CHwB) ka nënshkruar një kontratë me UNESCO për restaurimin dhe konservimin e pikturave murale dhe dekorimeve të drurit në Xhaminë e Hadumit në Gjakovë.

Aktivitetet e para të implementimit të projektit të parë të UNESCO-s në Kosovë kanë filluar në fund të Marsit 2008. Gjatë procesit ka pasur një bashkëpunim dhe mirëkuptim nga ana e Bashkësisë Islame të Gjakovës si dhe komunitetit vendor mbi punët vijuese që do të kryhen në objektin e tyre.

“Qyteti në miniaturë” është emri i librit të printuar në 3D në gjuhën Brail, për personat me shikim të dëmtuar, i cili projekt realizohet nga Fitore Rexhepi dhe Nëntore Rexhepi në edicionin e katërt të Heritage Space.

Ky projekt bëri të mundur krijimin e tri librave me të cilat u ndanë me shkollën për personat me shikim të dëmtuar “Xheladin Deda” në Pejë. Pjesë e projektit ishin edhe njëzet harta lehtësuese të objekteve të trashëgimisë të përfshira në libra si pllaka të printuara 3D.

Atelie “DHÉ” është hapur si rezultat i projektit të Granita Grezdës, që është përfituese e edicionit të katërt të Heritage Space.

“Përgjatë katër muajve, kemi punuar ngushtë me profesionistë të zejeve. Bashkëpunimi jonë ka rezultuar në krijimin e disa punimeve të reja të cilat ndërthurrin aftësitë e punëdorës me dizajne të reja të cilat do sjellin trashëgiminë e përbashkët kulturore në një formë tjetër. Është kënaqësi e vecantë që të prezantojmë para juve krijimet unike që përfshijnë teknika, materiale dhe forma të ndryshme.(CHwB)

“Tyrbja e Çikave” film i shkurtë nga Arbërore Lola Sylaj pjesë e edicionit të katërt të Heritage Space.

Thuhet se zanat e pyllit dalin për të mbrojtur, duke sulmuar këdo që vepron për të keq. Ngjashmëria e këtij tregimi të njohur gjendet edhe tek tregimi për “Tyrben e çikave”. Video shtjellon edhe ngjashmëritë me mite dhe rituale të tjera shqiptare. Kjo video ka gjetë inspirim nga intervistat e kryera me familjen Bejtullahu në Gjakovë, të cilët janë kujdesur për këtë Tyrbe.(CHwB)

“Arkivi Rilindja” është projekt nga Ervina Halili e cila arkivoi në formë digjitale material të periudhës përderisa Rilindja ishte ende funksionale. Pjesë e projektit është edhe dokumentari “N’Rilindje” i cili paraqet përvojat personale të ish-punonjësve të Rilindjes.

Ky arkiv nuk është arkivi zyrtar i Ndërmarrjes Shoqërore Rilindja. Arkivi i kësaj ndërmarrjeje me gjithë hallkat e veta dikur funksionale, nuk është trashëguar në ditët tona.(CHwB)

Përgjatë një periudhe, përveç pikturës, Fitorja ka rritur interesim që praktikën e saj artistike ta zhvillojë tutje, duke e shtrirë shprehjën e saj artistike në mediume të ndryshme dhe duke eksperimentuar më shumë me artet aplikative. Së fundi, ajo nisi një rrugë të re të eksperimentimit artistik, duke u zhytur më thellë në metodën e përpunimit të leshit, në mënyrë që të krijojë një lidhje më të fortë me procesin dhe mundësitë e reja që ai ofron. (CHwB)

“Kush mytet kapet për shkume” është emri i dokumentarit të animuar nga Urtina Hoxha, projekt i cili u realizu në kuadër të edicionit të katërt të Heritage Space.

Animacioni shqyrton luftën si përvojë vetmitare. Në mes të bombave, një grua ka betejat e saj ditore për ushqim dhe mbijetesë. Ajo i ecë kryq-e-tërthor peisazhet e zbrazëta të qytetit të cilat po zhduken dita ditës me secilën bombë që po bie. (CHwB)